“Waxaan aad ugu faraxsanahay arrimihii Doorashooyinka oo meel fiican inoo maraya..,”

“Jabuuti waa sidii Ilmo-yar waxaa gacanta ku hayaa Somaliland iyo Ethopia, Waxaan leeyahay Ismaaciil Cumar Geelle…,”

“Faarax Macalin in uu Somaliland u soo Bu’o, isagoo gaarisa waxba ku hayn, in uu yidhaa waxaan la noolaanaya intaasoo qoomiyadood oo Kenya ah, haddana Somaliland ayaan kala gurayaa caqligaasi maaha kii aanu..”

” Reer Laascaanood waxaanu leenahay caqligii Aabayashiin iyo Awoowayaashiin la kaalaya..,”

“Doorashadii way dhacaysa, horena waanu idiinku digay, immikana hubsada codkiina..,

Gudoomiyaha xisbiga UCID Eng Faysal Cali Waraabe oo ka hadlay qodobo kala duwan

“Reer Laascaanood waxaanu leenahay caqligii Aabayashiin iyo Awoowayaashiin la kaalaya,”Faarax Macalin in uu Somaliland u soo Bu’o, isagoo gaarisa waxba ku hayn” Faysal Cali Waraab

Madaxweynihii hore ee JSL Mudane Daahir Rayaale Kaahin ayaa kulan ballaadhan Magaalada Boorama kula qaatay qeybaha bulshada ee gobolka Awdal. ‘

Waxaa kulankaasi ka qayb galay Wasiirrada Wasaaradaha ganacsiga iyo xidhiidhka golayaasha, Maamulka gobolka Awdal, Madaxda dhaqanka iyo qaybaha bulshada.

Madaxweynihii hore ee JSL Mudane Daahir Rayaale Kaahin oo khudbad dheer ka jeediyay halkaas ayaa iftiimiyey nuxurka kulankaas isagoo sheegay in afar iyo toban sanno ka hor ay ugu dambaysay inuu shir noocan oo kale ah la qaato haldoorka gobolka Awdal.

Mudane Daahir Rayaale Kaahin wuxuu dhaabadeeyay aafooyinka ummada ku soo kordhay iyo sida looga bixi karo.

Waxaanu yidhi “Waxaa dibadda ka soo kordhay arrin Saxaafadda casriga looga faa’iidaysanayo si dadka loo wareeriyo, kuwaas oo mararka qaar xaaladda lagu jiro ka dhiga mid aan sugnayn”.

Isaga oo hadalkiisa siiwata waxa uu intaas ku daray “Waxaa jira dad inala dhashay oo dibadaha ka soo hadla iyagoo yidhaahda Xamar ayaan tegaynaa, haddaba aniga ayaa idiin sheegayee Xamar waxba ma yaalaan, iyagii ayaa sii kala socda oo nabad u waayay magaaladoodii, Markaa haddii aan reer Awdal nahay Xamar waxba inooma yaalaan, halkan uu Ilaahay ina dhigay iyo dadka hareeraheenna ku nool bari iyo Galbeed ayaynu isku mustaqbal nahay”.

Madaxweynihii hore ee JSL Mudane Daahir Rayaale Kaahin waxaa kale oo uu is barbar dhigay muuqaalkii uu gobolka Awdal lahaa 1991-kii iyo marxalada uu maanta ku jiro.

Waxaanu yidhi. “Intii joogtay Boorama dib ha u xasuustaan 1991-kii xaaladdii lagu jiray iyo Boorama sida ay ahayd iyo weliba wixii laga qabtay dhawr iyo soddonkii sanno ee u danbeeyay, wakhtigaas waxaa Boorama ku yaalay hal Secondary oo ah Sheekh Cali Jawhar oo iskaa wax u qabso lagu dhisay, maantana waxaynu ognahay in magaalo kasta uu ka dhisan yahay kana furan yihiin dugsi, dhexe iyo mid sareba.”
Rayaale wuxuu sheegay in xukuumadda ay ka go’an tahay dhisida dekedda Lughaya, waxaanu carabka ku dhuftay in halkii milyan ee ugu horreeyayna uu madaxweynuhu bixinayo.

Madaxweynaha Jamhuuriyadda Somaliland Oo Maanta La Tukaday Lana Ciiday Qaarka Mida Shacbiga Caasimada Somaliland Ku Dhaqan

Hargeysa-10-04-2024-()- Madaxweynaha Jamhuuriyadda Somaliland, Mudane Muuse Biixi Cabdi, ayaa shacabka ku dhaqan caasimadda Somaliland ee Hargeysa kala qaybgalay tukashada salaadda Ciidul-fidrida oo maanta laga oogay guud ahaanba dalka Jamhuuriyadda Somaliland iyo dalalka kale ee Islaamka.

Madaxweynaha oo tukashada salaadda kala qaybgalay boqollaal qof oo ku tukaday masjid-jaamaca weyn ee caasimadda Hargeysa, waxana uu salaadda kaddib bulshada u jeediyey khudbad dhinacyo kala duwan taabanaysa.

Ugu horrayn, madaxweyne Muuse Biixi Cabdi waxa uu bulshada Somaliland Alle uga baryey inuu ka aqbalo cibaadadii, soonkii iyo acmaashii wanaagsanayd ee ay soo sameeyeen bishii barakaysnayd ee Ramadaan.

Dhinaca kale madaxweynaha Qaranku waxa uu fariin u diray dhammaan inta afsoomaaliga ku hadasha ee ku dhaqan dunida dacaladeeda isagoo u bandhigay, hoosta ka xarriiqay qadiyada madaxa-bannaanida Somaliland iyo maryo tuurka ay muujiyeen maamulka muqdisho ee ay kaga xunyihiin waxa u soo kordhay Somaliland, waxaanu yidhi “dadka xamar joogaa waxay ku leeyihiin shabaabkaa nalaynaya ee na qarxinaya ayaa nooga dhaw Somaliland oo la ictiraafo, anigu taasan u arkaa waana walaalkay, waana kii aan wax u geeyey, waana kaan sharfay, waana kaan leeyahay walaalo aynu kala garbaxno, culimo, caamo iyo waxgarad bal caqligaasi siduu yahay ha la eego ayaan leeyahay soomaali oodhan ee maaha inteena halkan joogta oo qudha, suurtogal maaha sidaasi, wax la qaadan karona maaha, saddexdii midiba gaar isu taagtayna weli nin soomaaliyeed oo saddexdaa ka mid ah oo yidhaahda war meesha waxbaa qaldan, waana la kala garleeyahay ma hayno” Madaxweynaha Jamhuuriyadda Somaliland, Mudane Muuse Biixi Cabdi

Wa-bilaahi Tawfiiq

MADAXWEYNE XASAN SHEEKH OO FARXADDA CIIDDA LA QAATAY CARUURTA SHUHADADA CIIDANKA XOOGGA DALKA

Muqdisho, Abriil 10, 2024: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo maanta farxadda Munaasabadda Ciidul fidriga la qaatay qaar ka mid caruurta Halyeeyadii ku shahiiday dagaalka dalka looga xoreynayo Khawaarijta ayaa tilmaamay in dowladdu ay joogteyn doonto xuquuq u gaar ah caruurta agoonta Ciidamada Qalabka Sida.

Madaxweynaha ayaa sheegay in geesiyaasha Ciidamada Qalabka Sida ee naftooda qaaliga ah u huray xoreynta iyo difaaca dalka ay ummadda Soomaaliyeed ugu qoranyihiin Baal dahabi ah, dowladdooduna aysan marnaba hilmaami doonin ubadka iyo ehelladooda sharafta badan, isaga oo Alle u weydiiyay dhammaan halyeeyadii nafta u huray difaaca dalka, dadka iyo diinta islaamka in uu hoygooda ka yeelo Janatul Firdowsa.

Madaxweynaha Jamhuuriyadda ayaa ku amaanay hooyooyinka iyo waalidiinta kale ee gacanta ku haya barbaarinta ubadka Shuhadada, sida kartida iyo dhabar adeyga leh ee ay dusha u saarteen mas’uuliyadda daryeelka caruurta isaga oo adkeeyay in dowladdu ay doorkeeda ka qaadan-doonto waxbaridda caruurtan.

DHAMMAAD

Wixii faahfaahin ah, fadlan kala xiriir;

Abdikadir Ali Dige,

Xafiiska Warfaafinta & Xiriirka Warbaahinta,

Madaxtooyada Jamhuuriyadda Federaalka Soomaaliya

E-mail: media@presidency.gov.so

Somaliland oo ka welwelsan Dhallinyaro Muqdisho ku xidhan.

Xukuumadda Somaliland ayaa sheegtay in jidh dil loo gaystay dhallinyarada Somaliland ee ku xidhan Muqdisho kuwaas oo la xidhay markii la dilay Aqoonyahan Cabdinaasir Muuse Dahable, oo ahaa khabiir dhinaca hawada ah.

Wasiirka Warfaafinta Somaliland ayaa sheegay in dhallinyaradaasi oo ah aqoonyahano ka shaqaynayay Muqdisho lagu samaynayo jidh dil iyo handadaad si dusha looga saaro dilka marxuum Cabdinaasir Muuse, oo uu sheegay in laamaha ammaanka Soomaaliya dileen.

Wasiir Cali Marreexaan, ayaa ugu baaqay hay’addaha xuquuq Aadanaha in ay booqdaan dhallinyaraasi islamarkaana xukuumadda Soomaaliya lagu cadaadiyo in culayska laga daayo Dhallinyarada.

Wasiirka ayaa dhinaca kale ugu baaqay dadka Somaliland ee Muqdisho ku sugan ee aan hayn shaqooyinka muhiim ah in ay iskaga soo baxaan kuna soo laabtaan Somaliland.

Sheekh Dirir oo ka Hadlay Halista lacagaha Baraha Bulshada laga Sameeyo

Hargeysa – Sheekh Maxamed Sheekh Cumar Dirir, ayaa sheegay in aan waxna laga cuni karin, isla markaana aan laga cibaadeysan karin lacagaha laga sameeyo baraha bulshada, isaga oo sabab uga dhigey, haddii waxa labaahinaya aanu ahayn wax saxa xayeysiis xaaraan ahina aanu ka bixin.

Sidoo kale waxa uu sheegay in balaayooyinka ugu waa weyn meesha hadda la mariya ay yihiin baraha bulshada ee lagu xidhiidho.

Sheekh Maxamed Cumar Dirir oo wax laga weydiiyay ma laga Xaji karaa lacagta baraha bulshada laga Sameeyo?, waxa uu ku jawaabay. “Balaayooyinka u waa weyn ayaa ka socda baraha bulshadu ku xidhiidho, Soomaalidu waxay tidhaahda haddii aan af xumaan gacani ma xumaato.

Beenta baraha bulshada laga sheego iyo danbiga laga galo, iyo isku dirku wuu ka weyn yahay ka qof caadiya iyo dad kooban, waatu Nebigu SCW ka waramayay ee uu lahaa waa been jihooyinka oo dhan la gaadhsiinayo, qofkaasina waa ka danbi badan yahay ka kale.

Haddii uu xalal yahay oo laga siidaynayo, wacdigiii, xalaashii, xigmadii, arrimihii aqoonta, macluumaad guud, waxa haddii uu yahay waa xalaal wixii laga hela, haddii waxan lasiidaynaya kuwan la sheegay yahayna waa xaaraan, adoo tafsiir ka siidaynaya haddii Xayeysiis xaarana lagu soo diro oo aanad iska xidhin wixiiba xaaran ayay ka dhigeysa, marka haddii aad kalsooni ka qabto inaad iska baloog gareynkarto, nimanka meesha sameystay waxa ay ku soo daynayaan wixii aad ka helaysa waa xalaal, balse haddii aanad xayeysiiska joojin kareyn ama adiga qudhaaduba xumaan aad ka baahinayso wixii aad ka qaadataba waa xaaran, malaga Xaji kara? Waxa ka horeeya mala cuni karaa? Marka wixii baraha bulshada laga helay lama cuni karo, laguma cibaadeysan karro, calaf kale manoqon karro, haddii aan laga helin shuruudaha sarre ku xusan, in uu yahay wax saxa waxaad baahinaysa, xayeysiis xaaran ahina aanu ka bixin”

Somaliland:- Taxi-layaal mar laga wada helay HIV/AIDS iyo sababtay ku qaadeen oo la ogaaday

Ciidanka booliska Somaliland ayaa soo bandhigey arrin naxdin, anfariir iyo u qaadan waa ku noqotay guud ahaan bulshada dalka, taas oo ah dhacdo dhif iyo naadir ah in lala kulmo, waxaaney daboolka ka qaaday halista ay ku sugan yihiin wadayaasha gaadiidka yar ee dukhaanka ama raaxada loo yaqaano iyo sida aanay ugu baraarugsaneyn halista ay ku sugan yihiin.

Baadhis lagu sameeya 5 dirawal oo wadayaasha dukhaanka ah, oo saaxiibo ah, ayaa waxa sikedisa waxa ay natiijadii badhistooda caafimaad u soo baxday inay qabaan xannuunka halista badan ee HIV/AIDS-ka, kaas oo ay boolisku caddeeyeen in baadhitaan kadib ay ogaadeen in xannuunkan ay ka qaadeen hablaha ajaanibta Itoobiyaanka ah ee ku sugan gudaha dalka, kuwaas oo goobaha shaaricyada ah ku iibiya bunka.

Sarkaal sare oo ciidanka booliska ka tirsan ayaa xogtan la wadaagey qaybaha kala duwan ee bulshada Somaliland.

Waxaanu yidhi. “Wiil yar oo kuwan dukhaanada wata ah, ayay xaaskiisu foolatay, deetana dhakhtarka ayuu geeyay, waxa la yidhi dhiig ayay u baahan tahay, ninkasta saaxiibadii ayuu u yeedhanaya sow maaha? Shan dukhaanle ayuu u yeedhay, shantiiba waala baadhay, shantiiba HIV/AIDS-ba laga helay, shanti wiil ayaa dib loo raacay,’ waxa halkeed ka qaadeenba la yidhi? Hablaha yaryar ee Itoobiyaanka ee Bunka kariya ayaanu rawixinabay yidhaahdeen habeenkii,’ waa dagaal nooc kala adee, waxa laga yaaba waxa inala wada jooga ee buka iibinaya inay wada qabaan xannuunkaas, oo ay shirkadi soo maalgelisaydee, Islaamka iyo innaga ayay inala dagaalamaysa, adiguna mid yar uunbaad jac ka siinaysa oo aad iska tageysaa,”.

Daawade haddii hal goob oo lagu baadhay 5 dirawal laga helay xannuunka dilaaga ah ee HIV/AIDS-ka, maxaa laga filankaraa halista caafimaad ee ku duugaan wadayaasha gaadiidka iyo bulshada inta uu safarkoodu badan yahay, waxaana bulshada reer Somaliland halis ugu jirta in qofkasta si dhib yar u qaado xannuunka dilaaga ah ee HIV/AIDS, waxaana loo baahan yahay in qofkasta sijoogta ah ula socdo xaaladiisa caafimaad kana kana digtoonaado la macaamilka dadka ajaanibta.

Ciidanka Ilaalada xeebaha saldhiga 2-aad ee saylac ayaa gacanta ku dhigay 26 qof oo tahriibyaal ah kuwaasi oo damacsanaa inay doon ka raacan xeebaha galbeed ee dalka .

Waxayna islamanta lagu wareejiyey ciidanka scodaalka ee Lawyo-cado si loogu celiyo halkii ay ka yimadeen

Waxaa xabsiga loo taxaabay dhaqtarkii live ka kasoo galay barta tiktok asagoo qaliin ku samaynaya Gabar foolanaysa kadib markii ay dacwo ka gudbiyeen qoyskii gabdha dhalay iyo ninkeeda.

Qoyska gabadha dhalay waxay ku eedeeyeen in Dr-ku sameeyay fal qayru-masuulnimo ah oo ay gabdhoodu halis ku gali kartay, maadaama uu u muuqday markii uu live-ka ku jiray mid aanan dareen badan siinayn Hooyada dhalaysa iyo cunuga caloosheeda ku jira taas badalkeedana uu aqrinayay Faalooyinka loo soo qoraayay sidoo kale uu la sheekeysanayay dadka u saarnaa daaqada live ka .

Sidoo kale waxay ku eedeeyeen dhaqtarka inuu ninkeeda iyo familkeeda u diiday inay gudaha u galaan Saalada, taas badalkeedana uu live Tiktok oo ay daawanayaan kumanaan qof uu gabadha dhalaysa dhax geeyo inkastoo aan gabadha wajigeeda la arkayn.

Kilwe Media