Ciidanka Booliska Somaliland Oo Soo Qabtay Nin Dil Geystay
Ciidanka Booliska JSL ayaa maanta gacanta kusoo dhigay gacan ku dhiigle Cabdi Cali Cismaan oo loo yaqaan (Fool) Oo xalay abaaro 11:00 Dilay marxuum la odhan jiray Maxamed Cawil Saaxil.
dilkan ayaa ka dhacay degmada Axmed Macallin Haaruun garahaan xaafadda Kaah ee Magaalada Hargaysa.
Ciidanka Booliska ayaa hawl-gal iyo dedaal ay sameeyeen saacaddo gudahood gacanta kusoo dhigay gacan ku dhiiglihii , kuna jira hadda gacanta Ciidanka Booliska.
Ciidanka Boolisku waxa uu bulshada la wadaagayaa In gacan ku dhiiglaha la horkeeni doono sharciga.
Sido kale Ciidanka Boolisku waxa uu ugu baaqaayaa cid kasta oo isku dayda amni darro iyo khalkhal galinta xasiloonida in gacan bir ah lagu qaban doono.
Ciidanku waxa uu shacabka Somaliland guud ahaantood ku amaanayaa kala shaqaynta amniga iyo xogaha ay mar waliba lasoo wadaagaan, waxa uuna ka codsanayaa in ay kor usii qaadaan lashaqeynta Ciidanka Booliska.
Xafiiska Warbaahinta
Ciidanka Booliska JSL
Somalia Oo Ciidan Tabar Usoo Xidhay
Manabendra Jamhuuriyadda Federaalka Soomaaliya Mudane Xasan Sheekh Maxamuud ayaa tababbar u soo xiray Dufcadda 4-aad ee Layli Sarkaal iyo Dufcadda 5-aad ee Layli Saraakiil Xigeen ee ka baxa Dugsiga Tababbarka Ciidamada Soomaaliyeed ee TurkSom.
Madaxweynaha oo uga mahadceliyey dowladda Turkiga hirgelinta dugsigan oo la dhisay sanadkii 2015-kii ayaa sheegay in Dowladda Federaalka ay ka go’an tahay dib u dhiska, qalabaynta iyo tayeynta Ciidanka Xoogga Dalka, si loo helo ciidan Soomaaliyeed oo si buuxda ula wareega sugidda amniga dalka.
“Hirgelintii dugsigan waxa ay billow u tahay in wakhti dhow aan gaarno in aan si buuxda, gudaha dalkeenna, ugu tababbaranno ciidankeenna. Waxaan u hamablyeynayaa waalidiinta, walaalaha iyo qoysaska ay ka soo jeedaan Saraakiishan iyo kuwii ka horreeyeyba ee halkan ka bixi jiray in ay u oggolaadaan ubadkooda ku biiridda Ciidanka Xoogga Dalka Soomaaliyeed.”
Sidoo kale, Madaxweyne Xasan Sheekh Maxamuud ayaa ku soo bandhigay khudbadda uu u jeediyay Saraakiisha iyo Saraakiil Xigeennada, ahmiyadda uu siinayo in dadka Soomaaliyeed laga dulqaado dhibaatada argagixisada, lana xoreeyo deegaannada ay ka soo maleegayaan falalka gurracan ee ka soo horjeeda dowladnimada iyo qiyamka suuban ee diinteenna.
Dhankooda, Saraakiisha iyo Saraakiil-xigeennada ayaa soo bandhigay dhoollatus ay ku muujinayaan cududda iyo tayada Ciidanka Xoogga Dalka Soomaaliyeed, iyagoo gutay dhaarta dastuuriga ah ee la xiriirta in ay difaacayaan dalka, dadka, diinta iyo calanka Soomaaliyeed.
Munaasabaddan waxaa goobjoog ka ahaa Safiirka dalka aan walaalaha nahay ee Turkiga Mudane Mehmet Yilmaz, Guddoomiyaha Gobolka Banaadir Mudane Cumar Maxamed Maxamuud, Wasiirka Gaashaandhigga XFS Mudane Cabdulqaadir Maxamed Nuur, Taliyeha Ciidanka Xoogga Dalka Sareeye Guuto Odawaa Yuusuf Raagge, Taliyaha Ciidanka Booliiska Soomaaliyeed, Sarreeye Gaas Cabdi Xasan Maxamed Xijaar iyo Saraakiil kale oo ka tirsan Ciidamada Qalabka Sida.
DHAMMAAD
Wixii faahfaahin ah, fadlan kala xiriir;
Abdikadir Ali Dige,
Xafiiska Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail: media@presidency.gov.so
Flicker: https://www.flickr.com/photos/vilasomalia/
Facebook: https://www.facebook.com/VillaSomaliaOfficial/
Twitter: @TheVillaSomalia
Maxay Sameeyeen Wasiiradii Burco Joogay
Weftiga Golaha Wasiirada ee uu hogaaminayo Wasiirka Wasaaradda Arimaha Gudaha JSL Maxamed Kaahin Axmed, oo maalmihii u danbeeyey safar shaqo u joogey Gobolka Togdheer, gaarn ahaana magaalada Burco, ayaa kulan la qaatay laamaha dawladda ee magaalada GobolkaTogdheer, sida Isu duwayaasha iyo Hay’ddaha Amniga.
Kulan ayaa daarnaa is xogwaraysi xaalada gobolka guud ahaanba, sida abaaraha, Amniga iyo mashaariicda horuumarineed ee ka socda Gobolka Togdheer iyo wada shaqaynta laamaha Dawladda, iyada oo ay war bixin buuxda siiyeen Xubnaha Golaha Wasiirada, Isu duwayaasha Gobolka.
Dhinaca kale Wasiirka Wasaaradda Arimaha Gudaha JSL ayaa faray Isu duwaasha iyo laamaha Amniga in la dardar geliyo shaqada ay qaranka u hayaan, iyada oo wax walba laga horaysiinayo masuuliyada Qaranka loo hayo iyo ta bulshada. Kulankan waxaa goob joog ka ahaa Badhasaabka Gobolka Togdheer Maxamed Cabdilaahi Nafoqo iyo masuuliyiinta Golaha Degaanka.
Xubnaha Golaha Wasiirada ee kulankan ka qayb galay waxaa ka mid ah Wasiirka Wasaaradda Arimaha Gudaha JSL Maxamed Kaahin Axmed, Wasiirka Wasaaradda Xanaanada Xoolaha iyo Kaluumaysiga Siciid Sulub Maxamed, Wasiirka Wasaaradda Cadaaladda Salebaan Warsame Guuleed iyo Wasiirka Wasaaradda Dastuurka iyo Arimaha Baarlamaanka Maxamed Xaaji Aadan.
Cabdilaahi Axmed Caarshe
Agaasimaha Warbaahinta iyo Xidhiidhka Dadweynaha ee Wasaaradda Arimaha Gudaha JSL.
