Maxaanad Ogeyn oo saaka ka dhacay Golaha Wakiilada Somaliland ?
Xildhibaanada labada xisbi Mucaarid iyo Ururka KAAH ee Golaha wakiilada waxay saaka sameeyeen dhoolatus awoodeed .
Bilowgii Fadhiga waxaa mar qudha ka dareeray xildhibaanada Muuse Biixi daacada u ah si aanu kooramku u furmin , balse taasi wax caqabad ah may keenin .
Xildhibaanada Mucaarid oo kaliya ayaa kooramkii buuxsadey iyagoo kor u dhaafay 50 Muddane .
Intaas kadib Xildhibaanada aqlabiyada Mucaaridka ayaa cod gacan taag ah ku meel mariyey in fadhigii saaka lagaga doodo xaalada guud ee dalka , taas oo ilaa Sabtida sii socon doonta .
Kal-fadhigan saaka ee Golaha wakiilada waxaa kaliya oo joogey Xildhibaanada mucaaridka iyo Ururka KAAH oo ka badnaa 50 Xildhibaan , waxaana Golaha ka dareeray Xildhibaano kooban oo daacad u ah Madaxweyne Muuse Biixi .
Xigasho: Ilays News