𝗠𝗮𝗱𝗮𝘅𝘄𝗲𝘆𝗻𝗲 𝗞𝘂 𝘅𝗶𝗴𝗲𝗲𝗻𝗸𝗮 𝗦𝗼𝗺𝗮𝗹𝗶𝗹𝗮𝗻𝗱 𝗼𝗼 𝘀𝗵𝗲𝗲𝗴𝗮𝘆 𝗶𝗻 𝗱𝗮𝗱 𝗱𝗶𝗯𝗮𝗱𝗮𝗵𝗮 𝗷𝗼𝗼𝗴𝗮𝗮 𝗿𝗮𝗯𝗮𝗮𝗻 𝗶𝗻 𝗮𝘆 𝗔𝘄𝗱𝗮𝗹 𝗾𝗮𝗹𝗮𝗹𝗮𝗮𝘀𝗲 𝗴𝗮𝗹𝗶𝘆𝗮𝗮𝗻

𝗠𝗮𝗱𝗮𝘅𝘄𝗲𝘆𝗻𝗲 𝗞𝘂 𝘅𝗶𝗴𝗲𝗲𝗻𝗸𝗮 𝗦𝗼𝗺𝗮𝗹𝗶𝗹𝗮𝗻𝗱 𝗼𝗼 𝘀𝗵𝗲𝗲𝗴𝗮𝘆 𝗶𝗻 𝗱𝗮𝗱 𝗱𝗶𝗯𝗮𝗱𝗮𝗵𝗮 𝗷𝗼𝗼𝗴𝗮𝗮 𝗿𝗮𝗯𝗮𝗮𝗻 𝗶𝗻 𝗮𝘆 𝗔𝘄𝗱𝗮𝗹 𝗾𝗮𝗹𝗮𝗹𝗮𝗮𝘀𝗲 𝗴𝗮𝗹𝗶𝘆𝗮𝗮𝗻

𝗛𝗔𝗥𝗚𝗘𝗬𝗦𝗔 – Madaxweyne ku xigeenka Somaliland Cabdiraxmaan Cabdillaahi Ismaaciil Saylici, ayaa sheegay in dad dibadaha jooga ay rabaan in ay nabadgalyo daro ka abuuraan gobolka Awdal.

Saylici oo hadal ka jeediyay xaflad qalinjabin ah oo ay lahayd Jaamacada Eello ee magaalada Borama, ayaa ka hadlay shir la sheegay in dhawaan qaar kamid ah qurbajoogta reer Awdal ay ku sheegeen in ay Somaliland kaga soo horjeedaan.

Waxaanu yidhi.”Nin aan kuu furi doonin yuuna kuu rarin, nin aan waxba taraynin caruurtiisii dibada ku haysta, meelaha shirar ku qabsada, ee umada nabada ku naaloonaysa odhanaya waa layna haystaaye is xoreeya, kaasi been ayuu sheegayaa”.

Waxa uu sheegay in reer Awdal ay Somaliland dhisteen isla markaana ay qayb muhiima ka yihiin xilal muhiim ahna ka hayaan.

Waxaanu yidhi.”Cid la haystaa ma jirtee qaran dhisan oo aan qayb ka nahay oo aan madaxweyne ka noqonay, oo aynu madaxwayne ku xigeen ka nahay ayaynu joognaa hadaan reer Awda nahay”.

Waxa uu sheegay in cidkasta ay wax tabanayso oo wax dhimani jiraan, laakiin aanay ahayn in taasi keento burbur, oo dadku burburiyaan wixii wanaagsanaa ee ay hore usoo qabteen.

Waxa la sheegay in dhawaan shir uu hoggaaminayay Ugaaska Guud ee Beelaha gobolka Awdal, oo ka dhacay dalka Canada lagaga hadlay qodobo Somaliland ka dhan ah.