Ciidamo uu Guddomiyaha Sool Wato oo Boocame Gaadhay iyo Masuuliyiiin Puntlan..

0
50

Wefdi ka socda Somaliland oo uu hoggaaminayo Guddoomiyaha Gobolka Sool Cabdikariin Aaden Xaaji Diiriye ayaa saaka gaaray degmada Boocame ee Gobolka Sool.

Wefdiga oo ay galbinayaan in ka badan 45 gaadiidka dagaalka ah ayaa goor dhowayd galay magaalada sida ay xaqiijinayaan goob-joogayaal madax-bannaan.

Sidoo kale magaalada Boocame waxa ku sugan wasiirka duulista Hawada iyo Garoomada Puntland oo ay weheliyaan xildhibaanka laga soo doorto degmada iyo Guddoomiyaha Gobolka Sool ee Puntland.

Dhinaca kale Ciidamadii Puntland xalay gaysay duleedka Boocame ayaa badankoodu u laabtay dhinacaTukaraq kadib markii Saaka aroortii hore Ciidamada Somaliland ee ku sugan Tukaraq ay hubka culus u rideen dhanka Taliska Puntland.

Wefdiga Somaliland ee hadda gaaray Boocame ayaa sida xogta aan ku helayno u sii gudbaya dhinaca Hawdka ah gaar ahaanna Tuulada Karin-garfood oo maanta Qado loogu samaynayo.

Puntland Post