𝗚𝘂𝗱𝗱𝗼𝗼𝗺𝗶𝘆𝗮𝗵𝗮 𝘅𝗶𝘀𝗯𝗶𝗴𝗮 𝗨𝗖𝗜𝗗 𝗼𝗼 𝗲𝗿𝗴𝗮𝘆 𝗖𝗮𝗯𝗱𝗶𝗸𝗮𝗿𝗶𝗶𝗻 𝗫𝘂𝘀𝗲𝗲𝗻 𝗚𝘂𝘂𝗹𝗲𝗲𝗱 𝗸𝘂 𝗲𝗲𝗱𝗲𝗲𝘆𝗮𝘆 𝗶𝗻 𝘂𝘂 𝗦𝗼𝗺𝗮𝗹𝗶𝗹𝗮𝗻𝗱 𝗱𝘂𝗺𝗶𝗻𝗮𝘆𝗼

𝗚𝘂𝗱𝗱𝗼𝗼𝗺𝗶𝘆𝗮𝗵𝗮 𝘅𝗶𝘀𝗯𝗶𝗴𝗮 𝗨𝗖𝗜𝗗 𝗼𝗼 𝗲𝗿𝗴𝗮𝘆 𝗖𝗮𝗯𝗱𝗶𝗸𝗮𝗿𝗶𝗶𝗻 𝗫𝘂𝘀𝗲𝗲𝗻 𝗚𝘂𝘂𝗹𝗲𝗲𝗱 𝗸𝘂 𝗲𝗲𝗱𝗲𝗲𝘆𝗮𝘆 𝗶𝗻 𝘂𝘂 𝗦𝗼𝗺𝗮𝗹𝗶𝗹𝗮𝗻𝗱 𝗱𝘂𝗺𝗶𝗻𝗮𝘆

𝗛𝗔𝗥𝗚𝗘𝗬𝗦𝗔 – Guddoomiyaha Xisbiga UCID Faysal Cali Waraabe, ayaa sheegay in koox cadaw ahi ay doonayso in ay Somaliland dumiso, isaga oo si gaar ah usoo hadal qaaday Ergay Cabdikariin Xuseen Guuleed.

Guddoomiye Faysal ayaa sheegay in Somaliland, lagu wado arrin hore Soomaaliya ugu socotay, sida uu hadalka u dhigay, arrintaasi oo ah in loo qaybiyo gobolo, isaga oo sheegay in Somaliland, aanay ka soconayn, oo aanay aqbalayn.

Ergay Cabdikariin Xuseen Guuleed, ayuu si gaara uga hadlay, isaga oo sheegay in uu qayb ka yahay dad doonaya in ay Somaliland burburiyaan, isaga oo sheegay in magaca jagada uu hayo uu xataa badalay.

Waxaanu yidhi.”Ninka la yidhaa Cabdikariin Xuseen, ee la baxay u qaybsamaha dowlada Federaalka ee arrimaha Somaliland, ee xataa magicii badalay ahaa wadahadalada Somaliland, waxba inaga qaadi maayo”.

Waxa uu sheegay in beeno aan sal iyo raad lahayn ay faafinayaan cadawga Somaliland, isaga oo sheegay in Somaliland, xadkeeda si dhakhso ah u tagayso.

Waxaanu yidhi.”Cadawgeenii barobagaadho iyo been ayuu adduunka la maraya, waxan ugu bushaaraynayaa shacabka Somaliland, xuduudeenii si dhakhso ah ayaynu u tagaynaa, dhallinyarada sida mutadawacnimada ah ciidamada u gashay waxan leeyahay guulaysta”.

Guddoomiyaha ayaa tiraba dhawr jeer intii Ciidanka Somaliland, laga soo saaray Laascaanood sheegay in Somaliland ay dib ula wareegayso Laascaanood.